Curso de Pasquale Bergamotto
Horario e datas
Impartido por Pasquale Bergamotto
Edificio Servicios Múltiples do Concello de
Culleredo (A Coruña)
Prezo: 160,00€
DATAS E HORARIOS:
Febreiro 2025
Martes 18 de Febreiro de 16:00 a 20:00
Mércores 19 de Febreiro de 10:00 a 14:00 e de 16:00 a 20:00
Xoves 20 de Febreiro de 10:00 a 14:00
Prazas: 16
Non é necesaria experiencia previa.
Aviso Importante: Reserva de praza para os Cursos de Clown
Estimados futuros estudiantes, alegrámonos moito de que estean a considerar unirse aos nosos cursos de Clown. Queremos informarlles sobre a nosa política de reserva de praza para garantir unha experiencia satisfactoria para todos os participantes.Como asociación cultural sen ánimo de lucro, organizamos estes cursos por amor á arte e cun profundo respecto pola profesión do Clown. Os profesores que contratamos son profesionais dedicados que merecen ser valorados polo seu traballo. No momento da inscrición, requiremos un depósito de reserva de 50€ para asegurar a súa praza no curso. Este depósito será descontado do custo total do curso. Con todo, queremos subliñar que este depósito non é reembolsábel en caso de cancelación por parte do estudante. O depósito utilízase para cubrir os custos administrativos e para garantir un compromiso serio por parte dos participantes.Agradecemos a súa comprensión e cooperación neste asunto. Estamos comprometidos a proporcionar unha experiencia educativa de calidade e esperamos teros connosco nos nosos cursos de Clown. Atentamente,
Escola Galega de Clowns.
1. Reembolso do importe do curso
1.1 No caso de anulación por causas de forza maior devolveríase o total do importe ás persoas inscritas.
1.2 No caso de que non houbera o mínimo de 10 inscricións o curso podería anularse, e en tal caso devolveríase o total do importe pagado.
2. No caso de anulación do curso por enfermidade, accidente ou imprevisto do profesor
3. No caso de anulación por parte do participante
3.1 Non se reembolsará o importe do curso en ningún caso, excepto se houbera lista de espera e a praza fora ocupada por outra persoa que realizará o pago.
Contido
XOGAR A SER CLOWN
É un curso de formación de pedagoxía do Teatro-Clown pensado para formadores e formadoras, que queren traballar a arte do Clown á infancia e a adolescencia. O obxectivo non é formar pallasos e pallasas, o obxectivo principal será de atopar e recuperar, dentro do mundo do Clown, estratexias que mirando máis aló das Artes Escénicas, convértanse e traduzan en ferramentas educativas. O Clown, como punto de comezo, para buscar bases educativas a través do xogo, a comunicación, a creatividade, a corporalidade e a relación. Por iso, traballaremos dous niveis: a arte do Clown e a súa posta en escena e a arte de educar a infancia.
GRUPO DESTINATARIO
Este proxecto de Teatro-Clown é unha actividade formativa dirixida a educadores e educadoras, estudantes, artistas de circo e teatro que traballan ou queren traballar con nenos/as ou con mozos e que, a través do clown, queren crear un espazo de expresión artística onde cada persoa poida ser valorada desde o recoñecemento das súas capacidades.
OBXECTIVOS
O obxectivo principal é o Teatro-Clown, como punto de comezo, para buscar bases educativas a través do xogo, a comunicación, a creatividade, a corporalidade e a relación.
CONTIDOS
Desenvolver a creatividade e a imaxinación.
-Mellorar a comunicación.
-Aprender mediante o xogo teatral a revolver situacións e a obter estratexias.
-Experimentar a creación colectiva e a procura de estratexias que permitan descubrir a importancia da colaboración.
-Potenciar as capacidades expresivas e creativas do corpo máis aló dos límites e dos costumes do cotián.
-Facilitar experiencias de educación emocional para poder traballar na aula.
METODOLOXÍA
Buscar un ámbito real no que os alumnos/as interactúen e relaciónense nunha tarefa común, na que o elemento lúdico, manual e imaxinativo ofreza a motivación necesaria para que estes estudantes desenvolvan as súas capacidades sociais de interrelación.
Os participantes deben traer
Roupa e calzado comodo.
Un nariz vermello pequeno con goma elastica. Unha botella de auga (para beber)
Pasquale Bergamotto
Pasquale Marino é Clown e Pedagogo, dedícase ao Teatro e á Arte de rúa con propostas que promovan as relacións interxeracionais.
Estuda Teatro físico-Clown na “Carovana dei sorrisi” de Roma, Teatro físico no C.E.F.A.C. (Centro de Formación Actoral Azteca) de Ciudad de México, Clownerie con Eric de Bont, Avner the Eccentric, Vladimir Olshansky, Antonio Lojero, Anne Dennis, Peter Shube, David Larible entre outros e nas escolas de Circo Rogelio Rivel, Central do Circ de Barcelona. Licenciado en Psicoloxía do Desenvolvemento e a Educación, Posgrao en “Teatro para colectivos con diversidade funcional” no Centro de Saúde Mental Ventura de Roma e Posgrao en “Teatro e Educación” Instituto do Teatro de Barcelona.
Participou en numerosos Festivais como: Fringe Festival de Madrid, 47.º Giffoni Film Festival (Italia),Trasversalidades do Teatro a Patzcuaro (México), V Festival internacional de Circo de Àvila, III Festival Internacional Artes de rúa de Elxe, Formigues Festival de Castelló, VI Festival de Teatro e Circo de rúa de Ontynient- València, VI Festival do mimo e do Teatro gestuale (Italia), 40.ª Tamborinada de Barcelona, Carnevale Internazionale Romano (Italia), Festival de Santiago de Compostela, X Festival Entrepallasos de Zaragoza, VII Festival Internacional de Pallasos Tran tran de Forteventura, MITEU de Ourense, VII Encontro Internacional do Teatro do corpo a Querétaro (México), IV Festival Transfonterizo de Circo de Ex-tremadura, 18.ª Festival do Clown de Cornellà, Festival de Circo e Teatro de Úbeda, FIC Festival de Tenerife, MAC Festival de Barcelona, Festiclown de Rivas e Vilagarcia, Festival a Strada (Italia), Festival O mundo ao contrario (Portugal) etc. ademais de programacións e circuítos culturais.
Colabora con Pallasos Sen Fronteiras, Fundación Theodora artistas en hospitais, Profesor de Teatro-Clown en Escolas de Teatro e Circo, formador para formadores en Cursos de actualización profesional de Universidades e Escolas de Animación de Italia e España.
O seu último espectáculo recibiu:
Premio de votación popular XIº Premios de Circo Zirkòlika 2020, Barcelona
Premio do público XIII Festival Entrepayasaos 2019, Zaragoza
Desde 2010 traballa na cía Bergamotto, vive en Mataró (Cataluña).
