O CLOWNCURSO
Bases
Bases do Concurso de Espectáculos "O Clowncurso 2025"
1. Obxecto do Clowncurso:
O presente concurso ten como obxectivo premiar o mellor espectáculo presentado no Clowncurso, segundo a votación do público asistente.
O Clowncurso celebrarase no Carballiño (Ourense – Galicia) entre os días 15 e 18 de Abril de 2025. Durante eses días haberá un curso de clown polas mañás e pola tarde/noite a representación dun espectáculo de clown. O sábado 19 pola mañá seguirá o curso de clown, e pola tarde/noite haberá unha mostra do traballo realizado durante o curso e o finalizar dita mostra anunciarase o gañador do Clowncurso.
2. Participación:
A participación no concurso é gratuíta.
Os espectáculo, loxicamente, serán en código de clown, cunha duración mínima de 45 minutos.
Para participar no concurso, os interesados deberán enviar o seguinte material:
Un dossier do espectáculo que inclúa unha sinopse, ficha artística, e técnica.
Un vídeo completo do espectáculo ou, en caso de non ser posible, un vídeo de presentación ou teaser de entre 5 e 10 minutos de duración.
Unha selección de 3 a 5 fotografías de alta calidade do espectáculo.
Calquera outro material adicional que consideren de interese para a valoración do espectáculo (críticas, premios anteriores, etc.).
O material deberá ser enviado en formato dixital ao enderezo de correo electrónico: escolagalegadeclowns@gmx.es , ou ben por wetransfer, antes da data límite de inscrición.
A inscrición no concurso será efectiva unha vez que o material sexa revisado e aceptado pola organización.
Os espectáculos non poderán ter gastos da SGAE, ben por non estar rexistrados, ben porque o autor renuncie os dereitos para a función.
Seleccionaranse 4 das propostas recibidas e serán postas en escena o día e hora que a organización asigne.
Os seleccionados disporán de 4 horas máximo para a montaxe do espectáculo o día da actuación.
Para a representación, os participantes disporán dun equipo básico de luces e son.
Os participantes seleccionados non cobrarán ningunha cantidade pola representación.
O prazo para facer chegar as propostas remata o día 14 de Marzo de 2025.
4. Votación:
O público asistente ao Clowncurso terá a oportunidade de votar polo mellor espectáculo ao finalizar cada función.
A votación será anónima e realizarase mediante papeletas dispoñibles na entrada do recinto.
Só se permitirá un voto por persoa para cada espectáculo.
5. Premio:
O espectáculo que reciba máis puntuación será considerado o gañador do concurso.
O premio consistirá nunha actuación valorada en 1.500,00 €, IVE incluído, nunha data a convenir entre a organización e os responsables do espectáculo gañador.
O premio non poderá ser trocado por diñeiro nin por outro tipo de compensación.
O gañador terá que ter a capacidade de emitir factura, ben como asociación, empresa, autónomo, cooperativa, ou calquera outro método legal.
6. Comunicación do Gañador:
O gañador darase a coñecer o sábado pola tarde/noite, o remate da mostra final do curso de clown que se celebrará polas mañás.
A organización contactará co gañador para formalizar os detalles da actuación premio.
7. Aceptación das Bases:
A participación no clowncurso implica a aceptación íntegra das presentes bases.
A organización resérvase o dereito de modificar estas bases en caso de forza maior, previa comunicación aos participantes.
8. Protección de Datos:
Os datos persoais recollidos para a participación serán tratados conforme á normativa vixente en materia de protección de datos e unicamente co propósito de realizar o clowncurso.
O Concurso
Hoxe gustaríanos presentarvos a Asociación Cultural Escola Galega de Clowns. Somos unha asociación cultural que naceu coa idea de explorar e espallar o mundo do clown. Aínda que sabemos que ningún comezo é fácil, estamos dispostos a superar todas as pedras que atopemos no camiño para ofrecer e organizar cursos de clown de calidade, coa axuda dos mellores mestres. A nosa asociación ten moitas ilusións e obxectivos, entre eles, organizar cursos de clown, impartilos, recibir outros cursos, organizar mostras, congresos, festivais e concursos de clown, realizar e difundir espectáculos de clown, así como establecer intercambios con asociacións, entidades, grupos afeccionados ou profesionais de espectáculos. En definitiva, calquera iniciativa relacionada co mundo do clown. Estamos traballando para consolidar un proxecto serio, estable e duradeiro. Queremos ofertar os mellores cursos de clown e traer aos mellores mestres de clown a Galicia. Agradecemos a vosa atención e esperamos poder contar co voso apoio para levar adiante o noso proxecto.
Ata o de agora levamos organizados 13 cursos intensivos de clown, cos mellores clowns nacionais e internacionais da actualidade:
2022 : Alex Navarro e Pepe Viyuela
2023 : David Larible, Claudia Cantone, Rui Paixão, Alex Navarro e Peta Lily
2024 : Caroline Dream, Pepa Plana, Marcelo Katz, Peta Lily e Avner the Eccentric
Poden atopar información sobre estes cursos en: www.escolagalegadeclowns.com
E tamén nas nosas redes sociais:
http://www.instagram.com/escolagalegadeclowns
http://www.facebook.com/escolagalegadeclowns
O Clowncurso é un festival que une dúas cousas: un curso de clown e un concurso de espectáculos de clown. O obxectivo é converterse nun referente dentro duns anos como un dos festivais de clown máis importantes a celebrar en Galicia e tamén a nivel nacional. Durante unha semana, o festival ofrecerá un curso de clown polas mañás (de luns a sábado) impartido por algún mestre clown de recoñecido prestixio internacional. Polas noites (de luns a venres), terá lugar o concurso de espectáculos de clown, onde cada día haberá un espectáculo diferente. O público votará ao remate de cada función e o espectáculo mellor valorado será o gañador do Clowncurso. Como premio, o espectáculo gañador será contratado pola organización para a realización dunha función nas datas que o gañador e o organizador acorden.
O Clowncurso ofrece unha oportunidade única para aqueles interesados en aprender sobre clown e para aqueles que simplemente queren desfrutar dun bo espectáculo. O curso de clown impartido por mestres recoñecidos internacionalmente é unha gran oportunidade para mellorar as habilidades e coñecer novas técnicas. Ao mesmo tempo, o concurso de espectáculos de clown é unha oportunidade para ver a artistas talentosos en acción. Os espectáculos son divertidos, emocionantes e cheos de sorpresas. O público ten a oportunidade de votar polo seu espectáculo favorito e ser parte da decisión final do gañador.
O Clowncurso é un evento que pode ser disfrutado por tódalas idades. As actuacións son apropiadas para nenos e adultos, e a diversidade dos espectáculos asegura que sempre haxa algo interesante para ver. Ademais, o curso de clown é unha oportunidade para que os alumnos aprendan sobre a arte do clown e desenvolvan a súa creatividade. Tamén é unha oportunidade para que os adultos volten aos seus días de infancia e disfruten dun pouco de entretemento inocente.
O concurso de espectáculos de clown é unha oportunidade para descubrir novos talentos e apoiar a artistas en ascenso. Moitos dos participantes son artistas novos ou menos coñecidos que están a comezar as súas carreiras. Ao votar polo seu espectáculo favorito, o público pode axudar a impulsar a carreira destes artistas e darlles a oportunidade de seren recoñecidos polo seu traballo. É unha forma de apoiar a arte e a creatividade local.
En última instancia, o Clowncurso é unha oportunidade para rir e disfrutar dun bo espectáculo. A arte do clown é unha forma única de entretemento que pode facer que o público se sinta feliz e despreocupado. O festival ofrece unha semana chea de diversión e risas, onde o público pode desconectar do estrés diario e simplemente disfrutar dun momento de felicidade. É unha oportunidade para escapar da realidade e deixarse levar polo espírito do clown.
O Curso
Impartido por Caroline Dream
Curso Presencial no Carballiño (Ourense)
Prezo: 185€
Do 15 ó 19 de Abril 2025
Horario:
15, 16, 17, 18 e 19 de Abril de 10:00 a 14:00
19 de Abril pola tarde/noite Mostra do Curso
Prazas: 16
Non é necesaria experiencia previa.
1. Reembolso do importe da inscrición
1.1 No caso de anulación por causas de forza maior devolveríase o total do importe ás persoas inscritas.
1.2 No caso de que non houbera o mínimo de 10 inscricións o curso podería anularse, e en tal caso devolveríase o total do importe pagado pola inscrición.
* Entendese por causa maior por exemplo: restricións impostas polas autoridades sanitarias que impidan poder chegar o curso, desastres naturais, actos de terrorismo, e ese tipo de cousas)
2. No caso de anulación do curso por enfermidade, accidente ou imprevisto do profesor
3. No caso de anulación por parte do participante
3.1 Non se reembolsará a inscrición en ningún caso, excepto se houbera lista de espera e a praza fora ocupada por outra persoa que realizará o pago. Quen teña pagada a inscrición sempre pode vender ou regalar a súa praza a outra persoa.
O CURSO
CAER NA TENTACIÓN
O traballo principal do curso é mellorar a túa capacidade clownesca de ir máis aló de “o permitido”; gozar a lume de biqueira, transgredir, e mesmo… pecar… para despois aliviar a túa alma confesándoo todo!
A QUEN VAI DIRIXIDO? A todas as persoas que queiran… Coñecer cales son as tentacións que máis lles convén buscar en escena, e como explotalas para sacar a maior comicidade. Mellorar a súa habilidade de ofrecer escusas plausibles, aínda que pouco cribles. Darse o permiso de acción ou verborrea ilimitado. Romper coas formalidades e ser auténtico.
Caer na tentación é algo inevitable para os pallasos, forma parte do seu comportamento esencial. Aínda que sentan empuxados a caer nela, en realidade son eles mesmos os que se tiran de cabeza! Os pallasos son curiosos e impulsivos, nunca meros observadores da vida. Por tanto, non son capaces de negarse calquera marabillosa oportunidade para esaxerar máis, revelar máis, experimentar máis e, por suposto, gozar máis. Pero teñen moi boas razóns para ir máis aló de “o permitido”. Ao caer irremediablemente nas tentacións de re-descubrir e re-inventar o mundo, de transgredir as normas e recrearse en as bobadas, os pallasos abren paso a ilimitadas posibilidades cómicas da creatividade, ao gozo interno, ao caos, aos problemas, ao fracaso, aos enfrontamentos coa autoridade/a verdade/a realidade, e ao gran desafío de saír ileso de situacións extremas. E, por suposto, ao público gústalle ver aos pallasos pasar por alto as normas e as restricións para facer, dicir ou tocar o que lles dá a gana. Incítanlles coa súa risa para ir aínda máis lonxe; a atreverse a satisfacer os seus desexos, a expresar o que teñen dentro, a imaxinarse por un instante que poden ser absolutamente libres.
Por suposto, hai obstáculos a superar. Hai que poder poñer en modo silencio as voces represoras que temos interiorizadas: a censura, a culpa, a crítica, a moral e o control. Por tanto, o reto principal deste curso será caer na tentación sen medo ás consecuencias. Obviamente, o nariz vermello é un gran aliado á hora de buscar ese estado de inocencia lúdico. O teu pallaso tamén che axudará, a través dunha serie de estupendos recursos cómicos, a sobrevivir cando, inevitablemente, déasche de bruzos coa autoridade, a verdade, ou a realidade. Neste curso repasaremos cales son eses recursos e cando usalos.
Neste curso experimentarás situacións onde terás que elixir; entre o deber ou o pracer, entre quedarche detrás do valo ou saltala e aventurarche máis aló, entre a expresión ordinaria ou extraordinaria. Serás animado a escoitar os desexos que broten no teu corazón, a dicir o que pensas, a moverche como che dea a gana, a estar emocionalmente vivo e, naturalmente, a caer en todas estas tentacións da maneira máis divertida posible. Neste curso aprenderás a… Esaxerar os teus dons, coñecementos e experiencias mais alá do imaxinable. Finxir unha inocencia impecable (ou, se iso non funciona, hábilmente botar a culpa a outro). Incitar aos inxenuos e crédulos a facer cousas indebidas. Mentir publicamente. E, cando te ves en aprietos, dar a volta ás túas propias mentiras en menos dun minuto. Facer crecer comicamente unha situación. Entusiasmarche co xogo corporal e vogal. Pasarcho en grande rompendo as normas
Os participantes deben traer
Roupa e calzado comodo.
Un nariz vermello pequeno con goma elastica se xa a tes, senón poderás
comprar un estupendo nariz de latex (material brando) no curso
Aviso Importante para os Alumnos
Por motivos de seguridade, pedímosvos que non asistas ás clases con reloxos, pulseiras de metal, cadeas, aneis, pendentes ou calquera outro obxecto que poida causar dano a ti mesmo/a ou aos demais. Asegúrate de deixar estes obxectos en casa ou nun lugar seguro antes de entrar na aula. Grazas pola túa colaboración.
Cláusula de Exención de Responsabilidade
A Escola Galega de Clowns actúa unicamente como organizadora do curso de clown. Infórmase aos participantes de que a Escola Galega de Clowns non se fai responsable dos métodos pedagóxicos, do contido impartido, nin das decisións tomadas polo/a profesor/a durante o curso. A responsabilidade sobre a estrutura do curso, o enfoque de ensino, e calquera material ou dinámica utilizada recae exclusivamente sobre o/a profesor/a.
