Curso Moshe Cohen
Horario e datas
Impartido por Moshe Cohen
Edificio de Servizos Múltiples do Concello de Culleredo
Culleredo (A Coruña)
Prezo: 220,00€
DATAS E HORARIOS:
Outubro 2026
Martes 6 de outubro de 16:00 a 20:00
Mércores 7 de outubro de 10:00 a 14:00 e de 16:00 a 20:00
Xoves 8 de outubro de 10:00 a 14:00
Prazas: 16
Non é necesaria experiencia previa.
1. Reembolso do importe do curso
1.1 No caso de anulación por causas de forza maior devolveríase o total do importe ás persoas inscritas.
1.2 No caso de que non houbera o mínimo de 10 inscricións o curso podería anularse, e en tal caso devolveríase o total do importe pagado.
2. No caso de anulación do curso por enfermidade, accidente ou imprevisto do profesor
3. No caso de anulación por parte do participante
3.1 Non se reembolsará o importe do curso en ningún caso, excepto se houbera lista de espera e a praza fora ocupada por outra persoa que realizará o pago.
Contido
ButohClown
Neste obradoiro quitarémonos os nosos narices de pallaso, desenvolveremos o teu pallaso de dentro cara a fóra e logo volveremos poñer a nariz, se queres.
Desenvolve a túa nariz de pallaso interior.
Sintoniza co teu lado divertido, cos impulsos xerados polo teu sentido do humor, a túa alegría, a túa picardía, a túa astucia e moito máis... e desenvolve a túa capacidade para compartilo.
Utilizando o teu sentido da diversión e do humor (e todos os teus sentidos) como guía, define e debuxa o teu mundo de pallaso. Expande este universo a través de improvisacións, pezas curtas, solos e dúos. Utiliza estas prácticas para definir, profundar e expandir o vocabulario non verbal e a expresión emocional dos teus pallasos.
Convida o humor e a lixeireza aos sentimentos do pallaso. Desenvolve a capacidade de crear resonancia e conexión co público. Traballa con diferentes niveis de expresión, desde elementos sutís de lixeireza ata unha exuberancia expansiva.
Profundiza a túa conexión co pallaso a través das prácticas de Butohclown, integrando aspectos da danza butoh na teatralidade do pallaso, e descubre como o Butoh esixe que o pallaso estea máis presente ralentizando os seus movementos.
Esta lentitude disolve todos os aspectos da «mente pensante» que enmascaran a túa autenticidade, levándote así a un lugar no que «es» pallaso en lugar de «actuar» como pallaso.
Desenvolver esta conexión interna profunda reforza a claridade externa e a expresión física do pallaso.
Butohclown ofrece excelentes ferramentas para explorar e desenvolver a túa interpretación, para descompoñer momentos e revelar as enerxías fundamentais que impulsan o pallaso, e ofrece vías para xogar (con) elas.
Baseado no método de clown de Richard Pochinko (canadense), nas luminosas filosofías butoh de Ohno-sensei e na pedagoxía do teatro físico, o obradoiro integra tamén un gran número de principios e influencias de Asia: Kyogen, Butoh, exercicios de saúde taoístas, Shintaido e meditación camiñada ao estilo zen (kinhin).
Os participantes deben traer:
Roupa e calzado comodo.
Un nariz vermello pequeno con goma elastica. Elementos ou roupa de clown. Unha botella de auga para beber
Moshe Cohen
Moshe Cohen é un mestre de renome internacional, clown e instigador de trasnadas sagradas. Realizou numerosas xiras co seu espectáculo Mr. YooWho en teatros e festivais de todo o mundo (máis de 50 países / máis de 1000 actuacións). Un dos primeiros pioneiros do movemento Clowns Without Borders e cofundador da Zen Order of Disorder (OD), Moshe traballa actualmente co Medical Clown Project en San Francisco levando risas tanto a persoas maiores como a nenas e nenos en contornos institucionais. Tamén ofrece formacións sobre humor e lixeireza en lugares de traballo e institucións educativas. Segue viaxando de cando en vez a nivel internacional para impartir obradoiros. Ensina tanto a artistas coma a persoas alleas á arte escénica, en escolas de clown/teatro, así como en centros espirituais/zen.
Moshe comezou a actuar en 1981 e en 1983 deixou o seu traballo, conduciu ata Montreal e empezou a actuar na rúa Rue Prince Arthur. Despois dun par de anos, Moshe xa estaba xirando co seu espectáculo profesionalmente no mundo dos festivais, tanto en Canadá coma en Europa.
Comezou a ensinar clown en 1993, no San Francisco Circus Center. En 2001, iniciou os obradoiros Clowning Your Zen xunto a Roshi Bernie Glassman, ampliando o seu enfoque máis alá da actuación de pallaso cara ao mundo cotián e a como espertar a lixeireza e a alegría.
Moshe formouse con algúns dos mestres de teatro físico, clown, butoh e zen máis innovadores e respectados do mundo, estudando en Montreal, París, Amberes, San Francisco, Malerargues, Yokohama, Kioto (e máis). A súa formación artística formal inclúe teatro físico, clown, danza butoh, kyogen, kabuki, exercicios de saúde taoístas, mimo, ukelele e voz. De maneira informal, practica malabares, maxia de preto, bubbleoloxía, canto e tamén toca o ukelele e equilibra obxectos na súa nariz.
Moshe traballou amplamente no mundo de Clowns Without Borders, fundando o capítulo estadounidense en 1995 e participando en máis de 30 proxectos. Liderou o grupo de maneira informal e logo consolidouno como organización sen ánimo de lucro nos EE. UU. Foi director executivo, máis tarde presidente da xunta, e actualmente é membro emérito da mesma.
Moshe é tamén o Closhi (gurú do humor sutil) da Orde do Desorde dos Pacificadores Zen, e fai todo o posible por estar á altura do lema da OD: «Non esteas aquí agora».
